Arquivo da categoría: Solidaridade

Movimentos anti-mineração d’Aquém e Além-Minho juntam-se em Cerveira.

Contraminacción, rede contra a minaría destrutiva de Galiza acompanhou e apoiou o passado sábado 14 de setembro em Vila Nova da Cerveira o Encontro Nacional de Movimentos Cívicos contra a exploração do lítio em Portugal, intervindo com duas representantes do painel final do encontro.

As experiências lá partilhadas evideciam como as dinâmicas corporativas, políticas e administrativas de expólio se reproduzem de jeito sistemático por todo o território e como a engenharia social articulada polo loby mineiro em Portugal pretende neutralizar a movimentação social tal e como acontece na Galiza.

Numas circuntâncias nas que só a transgressão das leis ambientais pode tornar viável a implementação de projectos mineiros “low cost”, é claro que uma sociedade em alerta e vigiante é um entrave para a indústria expoliadora e seus aliados.

O encontro do sábado em Vila Nova de Cerveira, que se segue da participação de coletivos portugueses no IV Encontro de ContraMINAcción celebrado este ano em Compostela e à presença da rede galega num encontro celebrado recentemente em Covas do Barroso, foi uma nova oportunidade para juntar e somar forças d’Aquém e Além-Minho nesta luta comum contra a destruição extrativista.

Desde ContraMINAcción agradecemos especialmente o convite do Movimento SOS Serra d’Arga e o imenso trabalho de Montalegre Com Vida – Associação de Defesa Ambiental, Não à mina, Sim à Vida – UDCB, Movimento ContraMineração Beira Serra, Guardiões da Serra da Estrela, Em Defesa da Serra da Peneda e do Soajo, GPSA – Preservação da Serra da Argemela, Movimento da Defesa do Ambiente e Património do Alto-Minho e Movimento Anti-LÍTIO / Braga.

Entrevistas aos colectivos que participaron no IV Encontro de ContraMINAcción

Deixa unha resposta

Primeira parte

E esta é a segunda parte recopilatorio das entrevistas realizadas aos moitos colectivos que participaron os días 16 e 17 de febreiro en Santiago de Compostela no IV Encontro de Contraminacción.

Unha vez máis recordarvos que a prensa deulle moi pouca ou nula cobertura, polo que é importante compartir e falar dun problema que se demostra global, que non local.

Todas as aportacións son moi importantes, pero deixádeme facer especial fincapé na entrevista do representante de Asturies quen explica moi ben a diferenza entre a minería do pasado século e os modernos macro-proxectos.

Moitísimas gracias Pilar Aymara polo teu gran labor!!

Gracias a persoas coma ti traspasamos o cerco informativo.

ContraMINAcción solidarízase con Haydée Castillo, detida en Nicaragua o 14 de outubro

Deixa unha resposta

A defensora de dereitos humanos e activista nicaragüense Haydée Castillo conta con medidas cautelares otorgadas pola Comisión Interamericana de Derechos Humanos (CIDH) polos riscos que corre no exercicio de denuncia da crise de dereitos humanos en Nicaragua. “Nada do que facemos contravén a lei. As mobilizacións, as críticas ao Goberno, demandar a liberdade dos presos políticos, todo é legal , pero sabemos que estamos nun réxime que rompeu co marco legal”, di Castillo.

A pesar diso, foi detida no aeroporto cando se propoñía viaxar o estranxeiro. Antes de deixala novamente en liberdade unha fiscal dixo a Castillo que non podía saír do país porque a organización que dirixe —o Instituto de Liderazgo de las Segovias— estaba sendo investigada por instrución do Ministerio de Gobernación baixo a Ley antilavado e terrorismo.

En ContraMINAcción tivemos ocasión de coñecer o seu traballo de primeira man cando visitou Galiza o pasado ano. Dende a sua posición, oponse e denuncia proxectos de minaría industrial no seu país. Os abusos das empresas mineiras afectan a vida de moitas familias e comunidades, ademais de ter un alto custo material e emocional. As arbitrariedades empobrecen a poboación, aumentan a migración -dato de relevancia no contexto actual- e incrementan a inseguridade e o medo das mulleres. Solidarizámonos con Haydée Castillo e as súas compañeiras e compañeiros afectados pola grave represión que están a confrontar e esiximos un ambiente de liberdade, máximo respecto e integridade para todos eles.

Actualmente, o seu país Nicaragua e vítima dun modelo de “desenvolvemento” que privilexia a acumulación de capital en poucas mans, desembocando en inxustizas profundas, un modelo que levou a unha espiral de revoltas cidadás dende abril de 2018. Dende entón, a poboación segue defendendo con maior intensidade os dereitos humanos e a vida, e esixindo que o estado garanta os dereitos fundamentais.

O goberno leva a cabo una brutal represión e masacre, con máis de 500 presos políticos, de moitos dos cales non se ten noticias. Ademais houbo asasinatos (entre 322 e 512) e invasións de moradas.

Moitas activistas e defensoras de dereitos humanos foron detidas -Como Haydée- co falso pretexto de ser terroristas. Outras encóntranse exiliadas.

A lista de actos represivos é enorme, sen embargo non perden a esperanza e sobre todo a solidariedade, que facemos chegar pola nosa parte dende Galiza . As compañeiras nicaraguanas desexan seguir organizándose e construíndo pontes. Non perden a confianza de que o réxime caerá. Nós tampouco.