Arquivos da etiqueta: Perú

A vida non vale un cobre

Para contribuír ao debate social que se está a xerar sobre a minaría en Galiza, presentamos esta interesante documentación sobre a minería de cobre noutras partes do mundo. Neste caso, na mina de cobre de Espinar no Perú.

Consiste nun corto animado moi elocuente e testemuños das comunidades afectadas.

Mostra o que teñen sufrido estas comunidades non tan diferentes as da Galiza: o que sucede ás propias comunidades e co gando, auga, saúde e o medio ambiente.

Enlace a documentación: http://lavidanovaleuncobre.com

A mina foi operada antigamente por Xstrata, mineira que foi adquirida posteriormente por Glencore (que por certo é a mesma mineira transnacional para a que traballou en África o enxeñeiro e directivo da mina de Touro, Alberto Lavandeira). Aquí podedes ver o modus operandi de empresas transnacionais mineiras como estas.

Nas inmediacións desta mina, informou ContraMINAcción recentemente que nas pasadas semanas as mulleres que se opoñían á actividade mineira foron duramente atacadas e golpeadas.

A mina encóntrase cerca de Cuzco (a 4100 metros de altura !!) no distrito Yauri, provincia de Espinar. Son zonas altas onde nace a agua, polo tanto un territorio fundamental para as comunidades.

Mina de Espinar no Atlas de conflictos ambientais Ejatlas

Más sobre as minas de Glencore Xstata en Espinar

Solidarizámonos coas mulleres peruanas atacadas pola policía en presenza do persoal da mineira multinacional Glencore

1 Resposta

Pretenden desaloxalas. Así son na actualidade os métodos de achegamento ás comunidades dunha das multinacionais mineiras ás que estivo vencellado o directivo do proxecto Touro: o caso de Glencore Antapaccay no Perú preocúpanos hoxe especialmente e solidarizámonos coas mulleres agredidas pola policía peruana no contexto de operacións da mineira.

Segundo xornalistas e organismos de dereitos humanos de Perú, o martes 3 de abril, un continxente policial presentouse na comunidade campesiña de Alto Huarca en Espinar, Cusco. Viñan acompañados de oito empregados da mineira Glencore Antapaccay e de maquinaria pesada.

Sigue lendo →

A xustiza dá a razón a Máxima Acuña fronte á empresa mineira Yanacocha

Deixa unha resposta

A XUSTIZA DÁ A RAZÓN A MÁXIMA ACUÑA FRONTE Á EMPRESA MINEIRA YANACOCHA
A xustiza de Cajamarca (Perú) vén de fallar a favor da activista ambiental Máxima Acuña Atalaya de Chaupe, que fora denunciada pola Empresa Mineira Yanacocha, e falsamente acusada dunha suposta apropiación ilícita en relación a un terreo situado en Tragadero Grande (distrito de Sorochuco, provincia de Celendín, Cajamarca, Perú) sobre o que Yanacocha reclama a súa propiedade.

En 1994, Máxima Acuña mercara un terreo fronte a Lagoa Azul, en Celendín. En 2011, a mineira Yanacocha puxo os seus ollos sobre o terreo, que ten unha situación estratéxica, pois está na zona onde se executaría o proxecto Conga. Yanacocha quixo mercarlle o terreo a Máxima, pero ela opúxose, e, seguindo as prácticas habituais deste tipo de empresas, a mineira denunciona por usurpación ilegal de terreos.

Hai uns meses, o xulgado Penal de Celendín condenara a Máxima e a súa familia a máis de dous anos de privación de liberdade, ademais dun pago de cinco mil soles. A acusación era ter utilizado a violencia para despoxar á mineira das terras que supostamente eran da Compañía.

https://www.youtube.com/watch?v=X5L6nHNbhuI&feature=youtu.be

Pero onte esa decisión foi revogada, quedando Máxima absolta de tódolos cargos. O veredicto, que foi ditado pola Sala Penal de Apelacións de Cajamarca, foi dado a coñecer por Mirtha Vásquez, avogada de Máxima, a través da súa conta de Twitter.

En Perú, distintas personalidades da política saudaron a decisión xudicial, entre elas a presidenta da Coordinación de Dereitos Humanos, Rocío Silva, e a Ministra da Muller, Carmen Omonte.

Dende ContraMINAcción queremos mostrar a nosa solidariedade con Máxima e a súa familia, así como a nosa ledicia pola nova, e esperamos que “a dama das lagoas”, como coñecen a Máxima no seu país, deixe de ser acosada pola mineira, que xa anunciou que presentará recurso contra a decisión xudicial.

Apoiamos á compañeira peruana Máxima Acuña na súa loita en defensa do territorio

Deixa unha resposta

CONTRAMINACCIÓN APOIA Á COMPAÑEIRA PERUANA MÁXIMA ACUÑA NA SÚA LOITA NA DEFENSA DO TERRITORIO

En Perú, un xuíz vén de sentenciar a Máxima Acuña a ser despexada, a 2 anos e 8 meses de cadea suspendida, e a pagar 5.500 soles á mineira Yanacocha, por suposta usurpación de terras. Firma a petición para impedir o despexo, e para que cese o acoso e a violencia contra Máxima por defender a terra e as lagoas de Conga.

A mineira Yanacocha, a máis grande de América do Sur, impón o seu proxecto Conga por riba dos dereitos da xente do pobo, como Máxima Acuña, de Chaupe, muller peruana cajamarquina, que vive coa súa familia en terras cobizadas pola mineira.

Máxima precisa a nosa axuda

Nos últimos 10 anos, Máxima Chaupe e a súa familia negáronse a vender as súas terras. Por ese motivo foron agredidos brutalmente en máis dunha ocasión por persoal da mineira, que irrompeu na súa propiedade e destruíu a súa casa a pe da lagoa Azul. Máxima foi golpeada, arrastrada, a súa terra invadida, mataron os seus cans e as súas ovellas. A familia Chaupe Acuña quedou na intemperie da Jalca. A súa choza foi reconstruída grazas á solidariedade de familia e amizades. Despois recibiron a denuncia da mineira, e agora a condena.

Por se fose pouco, despois de emitida a sentenza condenatoria, o 8 de agosto de 2014 a Mineira Yanacocha interpuxo novas denuncias penais contra a familia Chaupe na fiscalía de Celendín, por usurpación do mesmo predio Tragadero Grande. A pesar de que as leis peruanas impiden que unha persoa sexa investigada ou sentenciada pola mesma causa, o Ministerio Público de Celendín admitiu a trámite estas denuncias, aínda sabendo que existe xa unha primeira sentenza sobre este tema.

Por favor, non deixes de firmar canto antes a carta. A carta coa túa firma e todas as demais será entregada proximamente ás autoridades peruanas pola Rede Latinoamericana de Mulleres, e a Coordinadora de Mulleres pola Auga, a Vida e a Paz.

Desde ContraMINAcción queremos mostrar o noso apoio solidario a Máxima, compañeira, desde o outro lado do océano, na nosa loita pola defensa do territorio.

Agradecemos a vosa colaboración, asinando a petición que neste momento o colectivo Salva la Selva ten en marcha aquí.