O concello de Santiago de Compostela, a través do seu Concelleiro delegado Juan de la Fuente Fuentes comunicou a ContraMINAcción a denegación de enganche ao servizo eléctrico do Concello para o acto final da manifestación deste domingo na Quintana sen máis explicación que o que segue:

“En virtude do Decreto de Alcaldía de 26 de febreiro de 2013, relativo ao nomeamento de delegados de Alcaldía polo que se delegan no Concelleiro que subscribe as competencias de alumeado público, entre outras, é polo que vista a solicitude de D.[…] de enganche ao servizo de alumeado público en relación coa manifestación prevista para o vindeiro domingo, 2 de xuño con comenzo ás 12:00 h. na Alameda e remate na Praza da Quintana ás 14:00, comunícase a denegación da conexión a este servizo público”

A manifestación xa fora comunicada en tempo e forma o pasado día 13 de maio por ContraMINAcción, e a solicitude de enganche á enerxía eléctrica, que parecía un mero trámite administrativo, fíxose o día 22. Mais aínda recebemos esta resposta só onte (día 30 de maio), cando xa tiñamos todo organizado.

Sen dúbida ao concello do PP non lle gusta que lle gusta que protestemos contra as políticas do seu partido que promoven unha minaría destrutiva e altamente contaminante, mais podedes estar segur@s de que non van calarnos. Polo contrario o domingo imos berrar con moita máis forza “GALIZA NON É UNHA MINA!”